尋晚睇完龍虎門, 覺得拍打片真係全世界冇人叻過香港人,真係打得好精彩, 好好睇!

不過好搞笑, 係女性都好憎龍虎門架, 我都係約埋幾個friend一齊睇, 佢地老婆/女友個個又係話唔睇. 睇黎要搵臨床心理學家分析係點解先得!

甄子丹打得好好, 佢對打片既熱誠足以令到唔鐘意佢既觀眾對佢改觀. 我都唔鐘意余文樂架, 不過佢做黑龍真係唔錯.

呢套電影係真功夫同電腦特技之間既平均點羅得好好. 電光毒龍鑽真係有"鑽"既feel, 想當不俗. 黑龍既金鐘罩表達手法亦有別于一般武打片, 有新意.

有時間去睇下,支持有誠意既港產片.
(回應內有劇情討論, 未看勿進)

Kingmanyi at 08/22/2006 02:03 pm comment

跟本上成個羅剎教就係得邪神, 羅剎女同之前死果幾個蛋散! 小龍一到打到邪神一仆一碌, 我細細聲同我個Friend講, 我係小虎會話:"大佬你禁勁早d到呀......大佬"  

Anthony at 08/22/2006 10:20 am comment

仲要彈多一樣, 咁大個羅剎總壇, 就得邪神一個獨居老人, 門口狗都無條......

Anthony at 08/22/2006 10:16 am comment

作為一個睇左超過一千期龍虎門o既書迷, 我睇完出戲院o既感覺係......你老闆呀!!!! 呃Q左我百二蚊!!!!! (我老婆都有同我一齊睇) 不知所謂!!! 吹到點勁點勁, d回憶戲多到令人hup眼訓咁滯..... 最垃圾都係亞奇俠出場果幕, "石黑龍, 我教你金鐘罩, 王小虎, 我教你電光毒龍鑽!!!" 天呀~~!!!!! 差d爆粗!!!!! 金鐘罩同毒龍鑽特技無疑係唔錯, 但係亞邪神唔行埋去個金鐘罩度咪得囉!!!! 兩條友練工果段又係垃圾, 係咁二o係background打d字出d招式名就過骨, 二人練完工去打邪神, 幾野就比人KO, 跟住小龍就用一個無敵o既姿態出場, 一招都無中過就一面倒地打低邪神, 咁小虎同黑龍練得咁辛苦為乜呢, 打電話叫小龍單拖去咪得lor!!!!! 黃玉郎仲夠胆死話因為三人夾唔到檔期所以所左原本場三人圍揪邪神變成而家咁......仲有老妖, 棍妖......太不舍所謂啦...... 仲有好多好多野想發洩, 不過打到手軟, 唔打啦.........  

Kingmanyi at 08/05/2006 01:06 pm comment

其實電影拍到今天, 要有新意有創意是很難的事. 有人說過如果不是90年代開始有電腦特技, 全世界的電影早已式微. 今天, 對電腦特技已生厭的我們，還有那電影可以給我們新意，創意呢?

藍鳥 at 08/05/2006 09:38 am comment

如果電影忽然變的柔腸百結──那是瓊瑤；緊張懸疑──那是福爾摩斯；有笑有淚有內涵──那是名著，而港漫，嘿嘿，“便是要戰 quote from http://www.donnieyen.net/htm/fansarticlefilm/20060803282.htm Better than "Wind Cloud", 無新意, 沒創意

Kingmanyi at 08/03/2006 08:49 am comment

錯啦, 外國人睇都會鐘意呢套戲, 直頭超荷李治水準呀!

旅遊達人 at 08/03/2006 01:16 am comment

無辦法，因為女人的心態，是比較注重內涵及修養。 例如，就算打到會飛，在外國人眼中，中國人來去都是打、抽煙、賭… 所以對她們來說，這些題材無新意，兼而沒有創新題材的誠意。

科大足球場

上星期天(30-7-2006), 膺姊妹球隊銀鎗的領隊阿蔡邀請, 銀狐隊派出5員主將義助銀鎗, 於山明水秀的科大足球場和科大舊生隊比賽. 可惜主力射手關Sir因汽車中途死火不能出席, 可謂出師未捷.
因對手實力較高, 領隊阿蔡不得排出4-5-1陣式, 試圖以5人優勢去控制中場. 單箭頭Cyrus亦成功爭取到不小射門, 其中一球車身射門更中眉不入. 但當己隊體力下降, 而對手有大量後備更換的情形之下, 形勢逆轉. 雖有九哥力挽狂瀾, 但最後1:2敗陣.

賽後領隊阿蔡大讚以右後衛登場的Ian, 認為此年青球員技術和意識相當不俗, 假以時日, 必成大器.

旅遊達人 at 08/04/2006 11:11 am comment

Ian 的轉會費多少 ？

我看金庸劇 -- 神雕俠侶

我看金庸劇 -- 神雕俠侶

文章日期：08/07/2006 12:32 am

小時候(大約1981, 1982), TVB電視開始播放天龍八部, 由梁家仁演喬峰, 湯鎮業演段譽, 黃日華演虛竹. 對一個11歲而又充滿武俠迷血液的小孩子, 完全被天龍八部迷倒似是無可避免. 我想那時的我會是一個怪孩子, 星期六會很不高興, 星期一則很興奮, 完全和其他小孩相反. 這完全是因為星期一至五晚上會播放天龍所至. 喬峰親手殺死至愛更令我流下男兒淚, 最羨慕當然是所有女孩子都喜歡的段譽!

看完整套劇之後, 大有欲罷不能之勢, 經一個小學同學介紹, 在新浦岡一間破舊的租書店以2.5元借下射雕小說第一冊. 當時選射雕作為第一部自己欣賞的小說是因為有消息說TVB即將開拍射雕. 當自己拿起這本厚達400頁的小說時, 有一點擔心的自己能否在一星期的租借期內完成. 約一年後, 我己可以一日內看完一冊鹿鼎記, 回想起初初傻傻的我, 真的有發自內心的微笑.

而TVB製作的金庸劇自然一套也沒有錯過. 射雕英雄傳(1982), 神雕俠侶(1983), 鹿鼎記(1984). 笑傲江湖(1984). 當時我是居住在鑽石山, 有一天晚上到鑽石山詠麗院享用上海美食, 竟然見到黃日華,翁美玲和其他工作人員在吃晚飯, 不知是不是因為在鑽石山片場趕拍射雕的關係, 他們還穿著古裝! 我可以說是和郭靖, 黃蓉在同一間茶樓吃個一頓晚飯.

及後TVB製作的金庸劇水準不斷下降, 而再重拍的為了惹起話題, 採用了大量改編原作的手法, 結果更慘不引賭. 令普通觀眾以及作為金庸迷的小弟對金庸劇再提不起興趣.

但世事就像是一個輪迴, 現在中視的神雕俠侶水準之高可以說是令TVB汗顏. 此劇制作認真, 忠於原著, 實景拍攝場面壯觀, 畫面唯美之餘更是16:9制作. 雖然對國內演員認識不多但大部份也演得出色! 主題曲由超級女聲張靚詠主唱, 不愧為全國冠軍級人馬. TVB配音版由劉德華翻唱1983版張德蘭的情義兩心堅只是Gimmick多於一切. 主角方面, 黃曉明成功演活楊過的桀驁不馴, 女主角劉亦菲略嚴生硬, 不過演小龍女從來也是吃力不討好, 也就算了罷.

劉亦菲時裝照,倒比古裝更美.

友人還說之前的射雕水準也相當不錯, 遲些定要弄套VCD看看.
神雕中小弟至愛角色--郭襄, 將會於本周播放的集數出場. 期待!

Kingmanyi at 05/15/2007 10:39 am comment

Walrus兄一句" 世間再無俏黃蓉", 說得非常好, 服!

Jonathan at 05/15/2007 10:16 am comment

永遠的偶像，翁美玲，自她以後，世間再無俏黃蓉... 看來好多當天的小觀眾，今天都長大了，而她卻一直活在我們的心裡，我也是小時侯追看她的演出呢

旅遊達人 at 10/10/2006 02:31 pm comment

剛與深圳舊同事吃飯，談到金庸伯伯的作品。 原來在內地，很多網民都看過 TVB 在 70~80 年代拍攝金庸系列的香港版本，一面倒認為「新不如舊」。 我的意見是： 1. 香港出了兩個天才：顧家輝及黃霑，兩者都是先天後天俱備音樂及文藝修養的精英。 2. 香港的第一至第三線演員：樣子都好看。 3. 香港人才文化既有傳統的、也有時代感的。所以歷年的節目不論在東南亞及海外華人地方，均比較容易掌握各種口味的觀眾。 單單是這些環境因素，內地在短期或中期之內也不可能達到 … 更莫論哪些演員們演技比較好、在什麼水平。 我記得在中學時，一些台灣的同學，喜歡金庸及古龍的程度，還可以用鋼琴彈好幾首顧家輝作的劇集主題歌。 不過金庸先生就比較兩頭蛇：在內地就說國內版本不錯，回到香港卻說最懷念是陳玉蓮！  

藍鳥 at 08/19/2006 09:44 am comment

Revise: "大戰重陽官, 小龍女被全真五子轟飛 "  is not exists in TVB version!  In TVB version, 小龍女突然重傷! 3000 萬 鉅 製 連 環 穿 崩, 超 時 空 神 鵰 笑 死 網 友 http://appledaily.atnext.com/template/apple/art_main.cfm?iss_id=20060819&sec_id=462&subsec_id=463&art_id=6233666

Kingmanyi at 08/15/2006 05:08 pm comment

上星期睇到大戰重陽官, 小龍女被全真五子轟飛, 過兒及時抱起姑姑. 之後的深情對話, 看得我眼淚直流...... 你介紹的那個金迷網真的很不錯, 值得一遊!

Willlawhk at 08/15/2006 02:36 pm comment

談起神鵰，當中感人至深的，莫過如楊過發現小龍女十六年之約原來是騙他的一段，加上蘇軾的江城子襯托，辭中每句都打住心坎中，每次重讀神鵰至此，都不免眼濕濕 江城子 　　十年生死兩茫茫，不思量，自難忘。千里孤墳，無處話淒涼。縱使相逢應不識，塵滿面、鬢如霜。 　　夜來幽夢忽還鄉，小軒窗，正梳妝。相顧無言，惟有淚千行。料得年年腸斷處，明月夜、短松崗。 電視應該快要播到此段了，且看此劇會否拍得情動意真，一如小說？ 又，網上發現一論金網站，版主為潘國森，有看開都市日報的應該對他不會陌生，身為金迷應該不容錯過 http://jinyong.ylib.com/works/v1.0/works/poem-29.htm

Willlawhk at 08/09/2006 12:22 am comment

藍鳥說得不錯，83 神雕 洪七公 (劉丹)也真演得唯肖唯妙，演技一流，完全做到九指神丐的特性：天生饞嘴但同時正義凜然，但美中不足是稍稍胖了一點．．．話晒都叫北丐，應該不會食好住好，瘦一點會更像！ 漏了江毅演的柯鎮惡真是一絕！我到現在也想不到有其他人比他演的瞎子更好！

旅遊達人 at 08/08/2006 12:06 pm comment

往事只能回味。唉， 1 crab 不如 1 crab。

藍鳥 at 08/08/2006 10:37 am comment

My comment of 中視的神雕俠侶 演員: 黃曉明: 頭幾集when face 劉亦菲（初變大人時）like 鹹濕老.表情太跨張、 做到面容扭曲 劉亦菲: 包包面. .漂亮也不需要成日影住塊面too many close up. only few angle see her pretty. She is most beautiful in this programme. Other 女演員: Chinese Face. Not pretty. cannot compare with 83 神雕 Story: TVB version seems cut a lot . cannot give comment. 場面: Yes, I agreed that they are using 實景拍攝場面壯觀. 但是用電腦特技用得太過多, 太過 分, 簡單的動作都用電腦特技 such as simple jump. I want to die when I see 金輪法王 use his  金輪. 電腦化金輪 totally not match with his action.  除非your電腦特技 is very good,  否則, I prefer they use less 電腦特技. now like watching "Blue Cat". In my heart,  83 神雕 is perfect. Remark:   83 神雕 洪七公 (劉丹)也演得唯肖唯妙

Kingmanyi at 08/08/2006 12:08 am comment

確如你所言，83無記神鵰可以說是傾全台之力，好演員多不勝數. 郭襄是由黃曼盈演，總算俏皮可愛. 張德蘭的情義兩心堅可算是廣東小調的代表作，早幾年的張德蘭演唱會當然小不了這首作品．但小弟心中的廣東小調經典之作始終是--天龍八部的""兩忘煙水裡"! (男)女兒意，英雄痴，吐盡恩義情深幾許。 (女)塞外約，枕畔詩，心中也留多少醉。 (男)磊落志，天地心，傾出摰誠不會悔。 (女)獻盡愛，竟是哀，風中化成唏噓句。 (男)笑莫笑，悲莫悲，此刻我乘風遠去， (女)     凝悲      忍嘆      無可 (男)往日意，今日痴，他朝兩忘煙水裡。 (女)奈  從今      痴淚  兩忘煙水裡。 (男)磊落志，天地心，傾出摰誠不會悔。 (女)獻盡愛，竟是哀，風中化成唏噓句。 (男)笑莫笑，悲莫悲，此刻我乘風遠去， (女)     凝悲      忍嘆      無可 (男)往日意，今日痴，他朝兩忘煙水裡。 (女)奈  從今      痴淚  兩忘煙水裡。 (男)往日意，今日痴，他朝兩忘煙水裡。 (女)   從今      痴淚    兩忘煙水裡。

Willlawhk at 08/07/2006 09:39 pm comment

相信我比你要年輕幾年，我是在無記重播神鵰時才留意上癮的 十分同意你的觀點，８３無記神鵰在故事情節上盡可能跟足原著，這是我們金迷的福，不用看那破爛的改編 另外，我印象最深的是無記選角的功力可說是一流，兩名主角劉華及陳玉蓮不用說，早已是公認拍出原著的神髓，更難得的是，配角的人選也堪稱一絕： 呂有慧的李莫愁 楊澤霖的西毒歐陽鋒 梁家仁的中年郭靖 張雷的金輪法王 湯鎮業的霍都王子 秦煌的老頑童周伯通 羅蘭的裘千尺 每一個也把角色演得唯肖唯妙，入木三分 我不記得郭襄是誰人演了，不過也拍得不賴，不會白白糟蹋了這個活潑可喜的角色 P.S.張德蘭的情義兩心堅完全唱得婉約動人，又豈是劉華重唱可比？早兩日，我太太便在Karaoke忍不住唱了兩遍！（歌曲及歌詞本身當然也是優美動聽，更難得是絕對點題，這樣天衣無縫的絕配，真是十年難得一見！）

一起為世界盃喝采 -- 近代巴西世界盃既歷程

86世界杯,巴西右後衛, 祖斯馬(Josimar), 小弟的第一個足球偶像.  2 號亦成為我的最愛號碼(86世界杯時祖斯馬穿13號光芒四射, 87南美國家杯先著番代表正選既2號). 模仿其踢法多年, 至今仍未練成其射破鋼門柏真靈斯的衝力射球 

近代巴西世界盃既歷程
1982 : 超強夢幻巴西, Zico, Falco, Scorates, Cerezo, Junior.....粒粒都係星, 全攻型, 你入佢3球, 佢入番你6球, 令球迷如痴如醉. 但敗給counter attack 既意大利. 當年FIFA 1982年度最佳球隊, 破天方竟然係82巴西, 而唔係冠軍意大利.

1986 : 原班人馬再度出動, Zico有傷, 加入新仔加拉加, Muller, 祖斯馬等人, 冇82咁勁但都係全攻型, 同歐洲冠軍法國8強合演世紀之戰, 全場雙方射門多過今屆(2006)16強加8強所有賽事. 最後12碼出局.

1990 : 輸得太多, 開始改打防守足球, 但未成大器, 16強悶鬥悶, 輸比阿根廷 1:0.

1994 : 比1990更防守, 進攻只有羅馬尼奧,白必圖, 後防有7,8個人, 一入波就猜. 加上炎熱天氣令對手無反撲之力, 結果超悶決賽 0:0 射12碼贏意大利.

1998 : 羅馬尼奧因傷落選, 老將白必圖補上. 朗拿度, 白必圖再加李華度, 開始有3R影子, 前邊就係呢3個, 入到就入, 入唔到都唔會輸. 可惜係4強經典大戰荷蘭120分鐘大傷原氣又比法國小一日休息時間, 決賽輸3:0比法國.

2002 : 3R(朗拿度+李華度+朗拿甸奴)狀態大勇, 中前場呢3個, 3防中, 4後衛, 左右後衛利用時間差助攻, 一入波就猜波, 等對手上前, 有機會就入第2球. 最後贏德國成為冠軍.

2006 : 夢幻四人組(朗拿度+朗拿甸奴+阿祖安奴+卡卡)竟然集體不在狀態, 94冠軍領隊彭利拿不能整合出一套攻守兼備的打法. 上屆老功臣卡富同卡路士係炎熱天氣下完全不能付擔翼衛高體能的要求. 打得最好一場反而是用上年青後備大數日本4:1的一場. 8 強對死敵法國, 更自亂陣腳打起4-5-1陣式, 令法國更易防守. 最後輸給法國1:0.
總括黎講, "世人熱愛巴西"係指82, 86個或之前既只會進攻既打法, 呢種森巴足球可能贏唔到冠軍, 但係贏左無數球迷既心. 現今巴西已不能叫得上森巴足球.

Kingmanyi at 07/07/2010 02:58 pm reply

Brazil will be in even much more higher presure in next world cup as they are the host nation. God blesss you!
 
Kit Man Melinda at 07/07/2010 01:13 pm comment

See u again in 4 years at your home country, Brazil.

Kingmanyi at 07/07/2010 02:57 pm reply

你下之試下學佢射PK, 型呀!
 

kwan at 06/30/2010 12:59 am comment

我最鍾意「鬚古敵絲」，一步助跑式十二碼，一係入，一係唔入！

Kingmanyi at 07/09/2006 03:21 pm comment

小鳥加連查係多人都識架!

SkyBlue at 07/08/2006 02:32 am comment

講巴西, 唔少得他們倆位!比利好多人都識, Garrincha 被譽爲史上最好波的球員, 不過我地就無機會見識啦,甚至無物人識! 

旅遊達人 at 07/07/2006 11:14 am comment

 正！最好加埋劉德華及王晶版既巴西隊！